Оқ уй Трампнинг тиббий кўрик натижаларини эълон қилди

У соғлом ва давлат раҳбари сифатида хизмат қилишга тайёрлиги таъкидланган.

Фото: Reuters

АҚШ президентлари учун анъанавий тиббий кўрикдан сўнг, 78 ёшли Доналд Трамп соғлом ва олий бош қўмондон, шунингдек, давлат раҳбари вазифаларини бажаришга тайёр деб эълон қилинди. АҚШ президентининг 11 апрель куни ўтказилган тиббий кўрик натижаларини Оқ уй матбуот котиби Кэролин Левитт эълон қилди.

Трампнинг ўзи текширувдан ўтганидан сўнг, когнитив қобилият тестида «барча саволларга тўғри жавоб берганини» айтди. Синовда Монреаль когнитив баҳолаш шкаласи (MoCA) қўлланилди ва АҚШ президенти максимал балл (30) тўплади.

Трамп 14 июнь куни 79 ёшга тўлади. Иккинчи инаугурация пайтида у Қўшма Штатларнинг энг кекса президентига айланган эди.

#АҚШ #тиббий кўрик #Доналд Трамп