Трамп янги антирекорд ўрнатди

ABC: Трампнинг 100-кунлик бошқарувини маъқуллаш кўрсаткичи 80 йил ичида энг паст даражани ташкил этди.

Фото: Nathan Howard/Reuters

Америка Қўшма Штатлари президенти Дональд Трампнинг 100-кунлик бошқарувидаги сиёсатини маъқуллаш даражаси 80 йил ичида энг паст даражага тушди. Бу ҳақда ABC News ABC News/Washington Post/Ipsos сўровига асосланиб ёзмоқда.

Ҳозирда Трампнинг президентликнинг биринчи 100 кундаги фаолиятини 39 фоиз респондент маъқулламоқда, 55 фоиз эса маъқулламайди. Шу билан бирга, АҚШ давлат раҳбарининг сиёсатини маъқуллаш бўйича аввалги антирекорд Трамп томонидан 2017 йилда ўрнатилган — у 42 фоизни ташкил этган.

Маълумотларга кўра, жамоатчилик Трампнинг кўплаб сиёсий қарорларини маъқулламайди ва айниқса, иқтисодий сиёсатини рецессия хавфи туфайли танқид қилмоқда, уни 72 фоиз респондент яқин келажакда содир бўлиши мумкин деб ҳисоблайди. Шунга қарамай, Трампга бўлган ишонч демократ конгрессменларникига қараганда ҳали ҳам юқоридир.

Бундан аввал Associated Press агентлиги Трампнинг президент сифатидаги биринчи 100 куни 70 фоиз АҚШ аҳолиси учун кутилган даражада бўлганини ёзган, шу билан бирга 62 фоиз респондент АҚШ нотўғри йўналишда ривожланмоқда дея ҳисоблаган.

Илгари ўтказилган сўровлар кўрсатадики, америкаликларнинг кўпчилиги Трампни янги президентлик муддатига номзод сифатида кўрмоқчи эмас.

#АҚШ #Дональд Трамп