АҚШ 2018 йилдан бери Эронга қарши энг кўп сонли санкциялар киритди

АҚШ Молия вазирлиги хабар беришича, Эроннинг 50 дан ортиқ жисмоний ва компаниялари ҳамда нефт савдоси билан шуғулланувчи 50 дан ортиқ кемаларга нисбатан санкциялар жорий этилган.

Фото: Carlos Barria / AP

АҚШ 50 дан ортиқ Эрон жисмоний шахси ва ширкати, шунингдек, нефт савдоси билан шуғулланган 50 дан ортиқ кемаларга нисбатан санкциялар киритди. Бу ҳақда 30 июл, чоршанба куни АҚШ Молия вазирлиги маълум қилди.

Идора бошлиғи Скотт Бессентнинг сўзларига кўра, бу 2018 йилдан бери Эронга қарши жорий этилган энг кўп янги чекловлардир. Санкция зарбаси Теҳрондаги «режим элитаси»га қаратилган, дея қўшимча қилди америкалик расмий.

АҚШ Давлат департаменти, ўз навбатида, Эрон нефти ва нефт маҳсулотлари савдоси билан шуғулланувчи 20 компанияга нисбатан чеклов чораларини эълон қилди. Хусусан, бу портлардан бирининг Хитой операторига, шунингдек, Ҳиндистон, БАА ва Туркия корпорацияларига тегишли. Бундан ташқари, 10 та кемага нисбатан санкциялар жорий этилди, дея хабар беради dpa агентлиги.

Аввалроқ, 28 июл куни АҚШ президенти Доналд Трамп, агар Теҳрон ишини тиклашга уринса, Эроннинг ядровий иншоотларига яна зарба йўллашга ваъда берган эди.

#АҚШ #Эрон #санкция