Yunusobodda Opel yonib ketdi

2019 yilning 7 oktabr kuni soat 12:46 da Toshkent shahar Yunusobod tumani, “Matonat” mahallasi, A.Qodiriy ko‘chasi 38-A-uy ro‘parasida harakatlanib ketayotgan fuqaro Yu.V. boshqaruvidagi “OPEL” rusumli avtomobilida yong‘in sodir bo‘layotganligi haqida yong‘in-qutqaruv xizmatiga xabar kelib tushgan.

O‘zbekiston Respublikasi FVV YoXBB OAVbilan hamkorlik qilish bo‘linmasi ma'lumotida aytilishicha, xabar asosida voqea joyiga ikkita yong‘in o‘chirish bo‘linmalari jalb etilgan. Bo‘linmalar ko‘rsatilgan manzilga uch daqiqada yetib borgan. Ko‘rilgan tezkor harakatlar natijasida yong‘in bartaraf etilgan. Tan jarohati olganlar va halok bo‘lganlar yo‘q. 

Yong‘in oqibatida fuqaro Yu.V.ga tegishli bo‘lgan “OPEL” rusumli avtomobilning motor va salon qismi yonib zararlangan. Yong‘in sababi va moddiy zarar miqdori aniqlanmoqda.