Toshkentda harakatlanib ketayotgan «Lasetti»da yong‘in sodir bo‘ldi

Toshkent shahrining Yangihayot tumanida «Lasetti» avtomobili yonib ketdi. Bu haqda Favqulodda vaziyatlar vazirligi xabar bermoqda.

Joriy yilning 24 may kuni soat 21:51 da Toshkent shahar Yangihayot tumani «Olchazor» MFY Qipchoq ko‘chasida harakatlanib ketayotgan «Lasetti» rusumli avtomobilda yong‘in sodir bo‘lganligi to‘g‘risida shahar tuman FVB bo‘limiga xabar tushgan.

Shunga ko‘ra, 2 ta yong‘in-qutqaruv ekipaji soat 21:54 da voqea joyiga yetib borib, yong‘in soat 22:00 da o‘chirilgan.

Yong‘in avtomobilning elektr simlaridagi qisqa tutashuvi sababli sodir bo‘lganligi taxmin qilingan. Yong‘in natijada avtomobilning motor qismi yonib zararlangan.

Hodisa oqibatida tan jarohati olgan va halok bo‘lganlar yo‘q.

#yong‘in #Lasetti