Qoʻshimcha funksionallar
-
Tungi ko‘rinish
O‘zbekiston va Qatar qo‘shma fond tashkil etishni rejalashtirmoqda
O‘zbekiston prezidenti Shavkat Mirziyoyev va Qatar sobiq bosh vaziri Hamad bin Jassim Ol Soniy Buxoro va Toshkentda qator investitsion loyihalarni amalga oshirish, jumladan, yuqori tezlikda harakatlanishga mo‘ljallangan avtomobil va temiryo‘llar infratuzilmasini barpo etish masalasini ko‘rib chiqdi.

Foto: Prezident matbuot xizmati
O‘zbekiston prezidenti Shavkat Mirziyoyev 7 noyabr kuni Qatarning sobiq bosh vaziri, ushbu mamlakatdagi qator yirik investitsiya va sanoat xoldinglari asoschisi Hamad bin Jassim Ol Soniyni qabul qildi.
Qatar delegatsiyasi oliy darajadagi kelishuvlar doirasida respublikada bo‘lib turibdi.
O‘zbekistonda istiqbolli investitsiya loyihalarini amalga oshirish masalalari ko‘rib chiqildi.
Buxoro shahrida zamonaviy mehmonxona majmuasi, Toshkent shahrida yirik logistika markazi, savdo va turar joy majmuasini qurish, yuqori tezlikda harakatlanishga mo‘ljallangan avtomobil va temiryo‘llar infratuzilmasini barpo etish, aeroportlarni modernizatsiya qilish, shuningdek, energetika, metallurgiya, to‘qimachilik sanoati, chorvachilik, qurilish materiallarini ishlab chiqarish va boshqa loyihalar shular jumlasidan.
Ushbu loyihalarni moliyaviy qo‘llab-quvvatlash uchun qo‘shma fond tashkil etish rejalari ham muhokama qilindi. Loyihalar qo‘shma “yo‘l xaritasi” asosida amalga oshiriladi.
Mavzuga oid

12:13 / 28.07.2025
NYT: Trampning boingini ta’mirlashga yadroviy kuchlar dasturidan to‘langan

20:11 / 27.07.2025
NYT: Pentagon Trampning samolyotini qayta jihozlash uchun 934 mln dollar yo‘naltirdi

23:35 / 21.07.2025
Prezident energiya ta’minoti uzluksizligini ta’minlash bo‘yicha topshiriqlar berdi

08:32 / 11.07.2025