Toshkentda Cobalt yonib ketdi

Hodisada hech kim tan jarohati olmagan va halok bo‘lmagan. Faqat mashina jiddiy shikastlangan.

Foto: IIBB YHXB

Toshkent shahri Yakkasaroy tumanida Cobalt mashinasi yonib ketdi. Bu haqda shahar IIBB YHXB axborot xizmati xabar bermoqda.

Bugun, 12 yanvar kuni soat 09:50 larda Yakkasaroy tumani Bobur ko‘chasida Cobalt mashinasida yong‘in kelib chiqqan.

Yong‘in tuman FVB xodimlari tomonidan bartaraf etilgan. Hodisada hech kim tan jarohati olmagan va halok bo‘lmagan. Faqat mashina jiddiy shikastlangan.

Qayd etilishicha, hodisa yuzasidan YHXB hamda FVB xodimlari tomonidan surishtiruv olib borilib, yong‘in yuzaga kelishining sabablariga aniqlik kiritilmoqda.

“Barcha haydovchilardan boshqaruvidagi transport vositasining texnik sozligiga e’tiborli bo‘lishlarini so‘raymiz”, deyiladi xabarda.

#Cobalt #Yakkasaroy tumani