Qoʻshimcha funksionallar
-
Tungi ko‘rinish
Toshkentda 5 ta mashina ishtirokida YTH sodir bo‘ldi
Yunusobod tumanida Nexia-2, ikkita Lacetti, Spark va Nexia-3 ishtirokida yo‘l-transport hodisasi yuz berdi. Ijtimoiy tarmoqlarda tarqalgan videolarda bir mashina ikkinchisining ustiga chiqib ketganini ko‘rish mumkin.
Toshkent shahrining Yunusobod tumanida beshta transport vositasi ishtirokida yo‘l-transport hodisasi sodir bo‘ldi, deb xabar beradi poytaxt IIBB YHXB axborot xizmati.
Qayd etilishicha, 23 yanvar kuni taxminan soat 15:20 larda Yunusobod tumani Kichik halqa avtomobil yo‘li ko‘chasida Nexia-2, ikkita Lacetti, Spark va Nexia-3 rusumli avtomashinalari o‘zaro to‘qnashuvi natijasida yo‘l-transport hodisasi sodir bo‘lgan.
Ijtimoiy tarmoqlarda tarqalgan videolardan ko‘rish mumkinki, Nexia-2 transport vositasi Lacettiʼning ustiga chiqib ketgan.
Ta’kidlanishicha, YTH natijasida tan jarohat olganlar haqida xabar kelib tushmagan.
Holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.
Mavzuga oid
11:17
Samarqandda piyodalar yo‘lakchasidagi hodisa oqibatida bir kishi vafot etgan
10:29
Samarqandda Lacetti piyodalar yo‘lakchasidan o‘tayotgan o‘nga yaqin kishini urib ketdi
08:35
Jizzaxda Tracker yuqori tezlikda do‘konga urildi
13:02 / 24.04.2025