Oq uy kovid inson tomonidan yaratilganiga ishonyapti

18 aprel, juma kuni Oq uy veb-saytida yangi veb-sahifa paydo bo‘ldi, unda COVID-19 pandemiyasiga sabab bo‘lgan SARS-CoV-2 koronavirusi inson tomonidan yaratilgan va Xitoyning Uxan shahridagi laboratoriyadan «qochib ketgan» degan nazariyani qo‘llab-quvvatlovchi dalillar keltirildi.

Xususan, sahifada virusning «tabiatda uchramaydigan biologik xususiyatlari» borligi va u «kasallikni kelib chiqishi uchun bir necha marta ta’sir qilish (patogenning) zarur bo‘lgan oldingi pandemiyalardan farqli o‘laroq, bir martalik ta’sir qilish natijasida yuqtirilgani» ta’kidlangan.

Ta’kidlanishicha, Uxandagi laboratoriya Xitoyda SARS viruslarini o‘rganish bo‘yicha yetakchi hisoblanadi va u yerda virus genomini tahrirlash va uning xususiyatlarini «adekvat biologik xavfsizlik darajasi» bilan o‘zgartirish bo‘yicha tajribalar o‘tkazilgan. AQSh rasmiylariga ko‘ra, Uxan virusologiya institutining ba’zi xodimlarida 2019 yilning kuzida — SARS-CoV-2 Uxan bozorida paydo bo‘lishidan bir necha oy oldin, COVID-19'ga o‘xshash alomatlar paydo bo‘lgan.

«Barcha ilmiy me’yorlarga ko‘ra, agar tabiiy kelib chiqishi (SARS-CoV-2 virusida) bo‘lganida edi, u hozirgacha ommaga e’lon qilingan bo‘lardi. Lekin u yo‘q», — deyiladi veb-sahifada.

Oq uy veb-saytining xuddi shu sahifasida, xususan, «Xitoy Kommunistik partiyasi bosimiga berilib, Xitoyning siyosiy manfaatlarini xalqaro majburiyatlaridan ustun qo‘ygan» Jahon sog‘liqni saqlash tashkiloti (JSST) keskin tanqid qilingan. Bundan tashqari, Donald Tramp ma’muriyatining ta’kidlashicha, Jo Baydenning tibbiy maslahatchisi bo‘lib ishlagan Entoni Fauchi SARS-CoV-2 laboratoriyada ishlab chiqilgan degan fikrni obro‘sizlantirish va virus tabiiy ravishda paydo bo‘lgan degan teskari fikrni ilgari surish uchun ishlagan.