YouTube'dagi birinchi video 20 yoshga to‘ldi

2005 yil 23 aprelida, roppa-rosa 20 yil avval, «Hayvonot bog‘idaman» deb nomlangan 18 soniyali past sifatdagi video bilan hozir dunyodagi eng mashhur platforma bo‘lgan YouTube ishga tushirildi. Ushbu muhim voqea sharafiga Google pleyerdagi an’anaviy progress slayderini pushti tortga o‘zgartirdi.

Agar ushbu video bugun yuklansa, hozir mavjud bo‘lgan 355 milliondan ko‘proq tomoshani to‘plamagan bo‘lardi.

Videoda servis asoschilaridan biri bo‘lgan 25 yoshli dastur muhandisi Jovid Karim shunchaki orqasidagi fillarni ko‘rsatib, shunday deydi: «Bu jonivorlarning eng zo‘r tomoni shundaki, ularning chindan ham juda, juda, juda uzun xartumi bor».

Karim internet tarixini yaratayotganini bilmas edi — video YouTube boshlanishi va videokontentning yangi davri ramziga aylandi. Yigirma yil oldin 240p yoki 360p videolar oddiy hol bo‘lganiga ishonish qiyin. Hozir platforma 4K, 8K, HDR va hatto VR videolarni qo‘llab-quvvatlaydi.

Videoda bayramona slayderdan tashqari, platformadagi Jovidning kanaliga olib boradigan fil belgichasi paydo bo‘ldi. Unda hamon bitta post bor, lekin allaqachon 5,34 million obunachiga ega. Joriy yil fevral oyida u mikroplastmassalar muammosiga e’tiborni qaratish uchun afsonaviy videoning tavsifini yangiladi.