Sanoat xavfsizligi sohasidagi bir qator hujjatlar takomillashtirildi

Vazirlar Mahkamasi qarori bilan sanoat, radiatsiya va yadro xavfsizligi sohasidagi qonunchilik hujjatlarini takomillashtirilishi munosabati bilan bir qator NHHga o‘zgartirish va qo‘shimchalar kiritildi.

Foto: AFP / JOCHEN LUEBKE

O‘zgartirishlar quyidagilarni nazarda tutadi:

sanoat, radiatsiya va yadro xavfsizligi sohasidagi litsenziyalash, ruxsat berish va xabardor qilish tartib-taomillarini takomillashtirish;
xavfli ishlab chiqarish obektlari tomonidan texnogen xavfi yuqori bo‘lgan zonalarning davlat kadastri pasportlari ishlab chiqilishi majburiyligini belgilash;
sanoat xavfsizligi sohasidagi ekspertlarga ekspert guvohnomasini berish tartibini takomillashtirish.

Xususan, quyidagilarga o‘zgartirish va qo‘shimchalar kiritildi:

Ishlab chiqarishdagi baxtsiz hodisalarni va xodimlar salomatligining mehnat vazifalarini bajarish bilan bog‘liq boshqa xil zararlanishini tekshirish va hisobga olish to‘g‘risidagi nizom;
Texnogen xavf yuqori bo‘lgan zonalar davlat kadastrini yuritish tartibi to‘g‘risidagi nizom va boshqalar.

#qaror #sanoat xavfsizligi