Toshkent viloyatida elektrdan noqonuniy foydalangan mayning ferma fosh etildi

«O‘zenergoinspeksiya» Toshkent viloyat hududiy boshqarmasi Davlat xavfsizlik xizmati bilan hamkorlikda tezkor tadbir o‘tkazdi.

Foto: O‘zenergoinspeksiya

Unda, Quyi Chirchiq tumanida istiqomat qiluvchi fuqaro Z. D. ga qarashli xonadonda mayning qurilmalarni o‘zboshimchalik bilan elektr tarmog‘iga ulab, elektr energiyasidan noqonuniy foydalanib kelayotgani aniqlandi.

Ushbu qoidabuzarlik natijasida, dastlabki hisob-kitoblarga ko‘ra, elektr ta’minoti korxonasiga 449,2 million so‘mlik zarar yetkazilganligi ma’lum bo‘ldi.

Hozirda huquqni muhofaza qilish organlari tomonidan tergovga qadar tekshiruv ishlari olib borilmoqda.

#O‘zenergoinspeksiya #mayning ferma