Isroil armiyasi gumanitar yordamga navbatda turganlarga yana hujum qildi

Halok bo‘lganlar va yaralanganlar bor.

Foto: Anadolu Agency

Isroil armiyasining G‘azo sektori turli hududlariga bergan zarbalari natijasida kamida 6 nafar falastinlik, jumladan, uch bola halok bo‘ldi.

Bu haqda Falastinning WAFA rasmiy axborot agentligi xabar berdi.

Xabarda aytilishicha, zarbalardan biri eksklavning markaziy qismidagi tarqatish punktida gumanitar yordam olishni kutayotgan bir guruh falastinliklarga berilgan. Ikki falastinlik halok bo‘ldi, 35 nafari yaralandi. Jarohatlanganlardan 16 nafarining ahvoli og‘ir deb baholanmoqda.

27 maydan beri Isroil BMT va xalqaro gumanitar tashkilotlarni chetlab o‘tib, Isroil va AQSh ko‘magida yaratilgan G‘azo gumanitar yordam jamg‘armasi nomli tuzilma orqali insonparvarlik yordamini tarqatmoqda.

Biroq, bu tuzilma BMT tomonidan tan olinmagan va Falastin guruhlari tomonidan rad etilgan. HAMAS uni «o‘lim tuzog‘i» deb ataydi.

#Isroil #G‘azo #sionizm

2023 yil 7 oktyabr kuni G‘azo bo‘lgasidagi Hamas kuchlari Isroilga yoppasiga raketa zarbalari berib, chegaradagi aholi punktlarini egallay boshladi. Bunga javoban Isroil qo‘shinlari G‘azo bo‘lgasiga bostirib kirdi. Bu safargi eskalatsiya avval kuzatilmagan darajada ko‘p qurbonlarga olib keldi.