Путин ишбилармонлар билан учрашувда ўз ёзувини ўқий олмай ҳазиллашди

Фото: RIA

Россия президенти Владимир Путин ўзининг блокнотидаги ёзувини ўқий олмади ва буни тушунарсиз ёзиши билан изоҳлади.

Давлат раҳбари Россия саноатчилар ва тадбиркорлар съездида иштирок этувчи ишбилармонларнинг маърузаларини тинглаб туриб, уларнинг ташаббусларига изоҳ бериш мақсадида ўзи учун баъзи маълумотларни қайд қилиб борди.

Меҳнат самардорлиги ҳақида нутқ сўзлаган ишбилармон Владимир Потаниннинг чиқишидан кейин Путин ўз ёзувларини ўқишга қийналиб қолди.

"Бу ерда кечгача муҳокама ўтказиш мумкин, вақт етмайди. Меҳнат самарадорлиги ва даромад ўсишига келадиган бўлсак... Кечагина шу мавзу ҳақида суҳбатлашган эдик. Бу сиз айтганингиздек, нима учун баҳона эмас? Пессимизм учун. Худди товуқ оёғи билан ёзгандек ёзибман, ўзим ҳам ўқий олмаяпман... худди мактабдаги каби", - дея кулиб қўйди Путин.