Ҳозирда маҳсулотларимизни Қозоғистонга экспорт қиляпмиз – Сирдарёлик ҳунарманд аёл

Сирдарё вилоятининг Оқолтин туманида истиқомат қилувчи ҳунарманд Ирода Тожиқулова миллий тақинчоқлар ясаш билан шуғулланади. У ўзи яшаб турган Шодлик маҳалласида мактаб ўқувчиларига ҳунармандчиликни ўргатиш учун тўгарак ҳам ташкил қилган.

{Yii::t(}

Ўтказиб юбориш 6s

«Мен бу ҳунармандчилик соҳасини 3 йилдан буён болаларга ўргатиб келяпман. Бундан ташқари, «Баркамол авлод» болалар мактаби ҳамда 7-сонли мусиқа мактабида иш фаолиятимни йўлга қўйганман. Ҳозирда 50 нафардан ортиқ шогирдларим бор. Бу ерда шогирдларим билан ясаган маҳсулотларимизни Қозоғистонга сотишни йўлга қўйдик», дейди Ирода Тожиқулова.

Тўгаракда ўқувчилар турли хил миллий тақинчоқларни ясашни ўрганади. Дарслардан бўш вақтида тайёрлаган маҳсулотларидан ҳозирда 3 миллион сўм даромад қилади. Келгусида шогирдлари билан тақинчоқлар дўконини очишни режалаштирган.

#экспорт #тадбиркор