Пенсия ишларини расмийлаштириш тартибини ўзгартириш режалаштирилмоқда

Молия вазирлиги томонидан “Пенсия ишларини расмийлаштириш ва юритиш тартиби ҳамда пенсия ҳужжатларининг шакллари ва уларни тўлдириш қоидалари тўғрисидаги йўриқномага ўзгартиришлар киритиш ҳақида”ги буйруқ лойиҳаси ишлаб чиқилди.

Пенсия йиғмажилди, пенсия ва бошқа тўловларни тайинлашга тааллуқли ҳужжатларни расмийлаштириш, шунингдек аризаларни рўйхатга олиш учун Пенсия жамғармаси бўлими томонидан рўйхатга олиш китоблари ахборот тизимида электрон шаклда юритилади (пенсионерларга берилган гувоҳномаларни рўйхатга олиш китоби бундан мустасно).

Пенсия йиғмажилдининг тўғри расмийлаштирилиши пенсия, нафақа ва бошқа тўловларни тайинлаш (қайта ҳисоблаш) ва бошқа тўловларни ташкил қилиш шуъбасига юкланади. Пенсия йиғмажилдини расмийлаштириш ва юритиш ягона тартибига амал қилиниши устидан назоратни олиб бориш шуъба мудирига, умумий назорат эса Пенсия жамғармаси бўлимининг бошлиғига юкланади.

Лойиҳа билан пенсия, уй-жой - коммунал хизматлари учун компенсация пул тўловларини тайинлаш, пенсия ва ижтимоий нафақаларни қайта ҳисоблаш, тўловни тиклаш ва бошқалар тўғрисидаги аризаларнинг янги шакллари таклиф қилинмоқда.