Қўшимча функционаллар
-
Тунги кўриниш
Си Жинпинг Хитой Қозоғистонда “рангли инқилоб амалга оширишга уринаётган ташқи кучлар”га қарши чиқишини айтди
ХХР раиси Хитой Қозоғистонни қўллаб-қувватлаш ва қийинчиликларни енгиб ўтишда ёрдам бериш учун бор имкониятларини ишга солишга тайёрлигини билдирди.
Фото: Li Xiang/Xinhua via AP
Хитой Қозоғистонда тартибсизликлар уюштириш ва рангли инқилоб амалга оширишни мақсад қилган ташқи кучларга қатъиян қарши чиқади. Бу ҳақда ХХР раиси Си Жинпинг Қозоғистон президенти Қосим-Жўмарт Тўқаевга мурожаатида айтди.
"Хитой Қозоғистон барқарорлиги ва хавфсизлигига таҳдид соладиган, рангли инқилобга даъват қилаётган ҳар қандай ташқи кучларга қатъиян қарши", - дея Си Жинпингнинг сўзларидан иқтибос келтиради Хитой марказий телевидениеси.
У ўз мурожаатида Хитой икки мамлакат ўртасидаги дўстлик ва ҳамкорликка рахна солишга қаратилган ҳар қандай уринишларга қарши чиқишини таъкидлади.
Си Жинпингнинг сўзларига кўра, "аҳил қўшни ва ўзгармас стратегик ҳамкор бўлган Хитой Қозоғистонни қўллаб-қувватлаш ва қийинчиликларни енгиб ўтишда ёрдам бериш учун бор имкониятларини ишга солишга тайёр".
Аввалроқ, Ўзбекистон ва Туркия президентлари Қозоғистонда зўравонлик ҳамда вазият кескинлашувига йўл қўймаслик муҳимлигини таъкидлаганди.
Қозоғистонда газ намойишлари
Мавзуга оид
18:56 / 29.04.2025
Қозоғистон хавфсизлик қўмитаси собиқ раҳбарининг қасри ижтимоий эҳтиёжлар учун мусодара қилинди
20:59 / 27.04.2025
Қозоғистон ҳукумати 9 май куни тантанали юришлар ўтказишни тақиқлади
21:22 / 25.04.2025
Қозоғистон суперкомпютер яратишга 40-50 млн доллар сарфлайди
08:43 / 25.04.2025