Коллеж ва техникумларга қабул бошланди 

Абитуриентларни рўйхатга олиш Давлат тест марказининг my.dtm.uz сайтида «Профессионал таълим муассасаларига қабул» бўлими орқали амалга оширилмоқда.

Рўйхатга олиш 10 сентябрга қадар (10 сентябр куни ҳам) давом этади ва абитуриентлар 10 сентябрга қадар ўз маълумотларини ўзгартириши мумкин.

2022/2023 ўқув йилида коллеж ва техникумларга кундузги, кечки, сиртқи ва дуал таълим шакллари бўйича жами 139 638 та қабул квотаси тасдиқланган.

Шундан 149 та коллеж учун — 59 минг 460 та, 194 та техникум учун — 80 минг 178 та қабул ажратилди.