Тошкентда 4 та машина иштирокида ЙТҲ содир бўлди

Ҳодиса оқибатида Malibu-2 ҳайдовчиси ва йўловчисига тез тиббий ёрдам кўрсатилган.

Фото: Ижтимоий тармоқлар

Тошкент шаҳар ИИББ ЙҲХБ Яшнобод туманида содир этилган йўл-транспорт ҳодисаси юзасидан маълумот берди.

Қайд этилишича, 23 феврал куни соат 01:30 ларда Яшнобод тумани, Махтумқули кўчасида Malibu-2, Cobalt, BYD ва Onix транспорт воситалари иштирокида йўл-транспорт ҳодисаси юз берди.

ЙТҲ оқибатида Malibu-2 русумли автомашина ҳайдовчиси ва йўловчисига шифокорлар томонидан биринчи тез тиббий ёрдам кўрсатилган.

Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.

Аввалроқ Андижонда иккита Nexia-2, Лаб ова SWM G01 транспорт воситалари иштирокида авария содир бўлгани тўғрисида хабар берилганди.

#ЙТҲ #Яшнобод