Ёзги оромгоҳлар учун йўлланмани онлайн олиш имкони яратилди

My.gov.uz'да соғломлаштириш оромгоҳларига йўлланма олиш хизмати ишга туширилди.

Фото: ЎзА

Ёзги таътилда болалар вақтини мазмунли ташкил этиш учун my.gov.uz'да соғломлаштириш оромгоҳларига йўлланма олиш хизмати ишга туширилди.

Энди ота-оналар ўз фарзандлари учун қулай мавсум ва оромгоҳни танлаб, уйдан чиқмасдан туриб ариза йўллаши ва тўловни амалга ошириб, йўлланма олиши мумкин.

Хизматдан фойдаланиш учун:

my.gov.uz порталидан «Болалар оромгоҳларига йўлланма олиш учун ариза бериш«ни танланади;
йўлланма олмоқчи бўлган фарзандингизни белгиланади;
оромгоҳ ва қулай мавсумни кўрсатилади;
тўловни амалга ошириб, электрон йўлланма олинади.

Йўлланма тўлов амалга оширилганидан сўнг автоматик равишда шаклланади.

Йўлланма банд қилингач, 30 дақиқа ичида тўлов тўлиқ амалга оширилмаса, у автоматик тарзда бекор бўлиб, банд қилинган йўлланма қайта сотувга чиқарилади.

Болалар оромгоҳларига йўлланма 7−14 ёшдаги болаларга берилади.

#оромгоҳ #болалар