Tesla робот-таксисининг биринчи оммавий синовлари йўлларда муаммоларга олиб келди

Робот-таксиларнинг синов сафари пайтида кўплаб муаммолар пайдо бўлди.

Фото: Reuters

Tesla робот-таксисининг биринчи оммавий синовлари Техаснинг Осло шаҳридаги йўлларда кўплаб муаммоларга олиб келди. Бу компания томонидан суратга олинган видеолардан маълум бўлади, деб ёзди Reuters.

Синов 10-20 та Model Y автомобилларида ўтказилди. Reuters агентлиги робот-такси сафари пайтида юзага келган муаммоларни кўрсатадиган камида 11 та видеони топди.

Жумладан, шаҳар бўйлаб ҳаракатланаётганда робот-такси қарама-қарши йўналишга чиқиб кетди, йўловчиларни кўп полосали йўл ўртасида ёки чорраҳаларда тушириб юборди. Кескин тормозлаш, тезликни ошириш ва бордюрдан ошиб ўтиш ҳолатлари ҳам қайд этилди. Компания бу ҳодисаларга изоҳ бермади.

Tesla робот-таксиси синовлари 22 июн куни бошланди. Бундай такси хизматларини фақат таклиф этилган шахслар синаб кўриши мумкин эди. Эҳтимолий фавқулодда вазият ҳолати учун автомобилнинг олдинги ўриндиғида компания ходими кузатиб ўтирди.

#АҚШ #Tesla #робот-такси