Қўшимча функционаллар
-
Тунги кўриниш
Россия Марказий Осиё энергетика тизимларининг параллел ишига қўшилиш ниятида
Россия Ягона энергетика тизимининг оператори ҳозир Қозоғистон, Қирғизистон, Тожикистон ва Ўзбекистонни ўз ичига олган Марказий Осиё энергетика тизими кенгашида кузатувчи сифатида ишламоқда.

Фото: Envato
Россия Марказий Осиё мамлакатлари электр энергетикасини мувофиқлаштирувчи кенгашининг бешинчи аъзоси бўлиш ниятида. Бу ҳақда МДҲ порталига таяниб 24.kg хабар берди.
Қайд этилишича, Россия Ягона энергетика тизимининг оператори ҳозир Қозоғистон, Қирғизистон, Тожикистон ва Ўзбекистонни ўз ичига олган Марказий Осиё энергетика тизими кенгашида кузатувчи сифатида ишламоқда.
«Россия ҳукумати ҳозирданоқ Марказий Осиё энергетика тизимларининг параллел ишлаши ҳақидаги келишувга қўшилиш ва Россия тизим операторига Марказий Осиё энергетика кенгашининг бешинчи аъзоси мақомини бериш устида ишламоқда. Бу энергия тизимларини ривожлантириш режаларини синхронлаштиришга ёрдам беради», дейилади хабарда.
Россия Ягона энергетика тизимининг оператори раҳбари Фёдор Опадчий сўзларига кўра, дунёдаги энг йирик энергия тизимларидан бирини бошқаришнинг амалий тажрибаси туфайли Россия энергия тизими режаларини синхронлаштиришга катта ҳисса қўшиши мумкин. Тизим оператори доимий равишда электр энергиясини ишлаб чиқариш, узатиш ва тақсимлашни бошқаради.
Эслатиб ўтамиз, 2024 йил сентябр ойида Ўзбекистон ва Россия Энергетика вазирликлари Россиянинг «Системный оператор» тизимини Марказий Осиё Бирлашган энергия тизимига қўшишга келишиб олган эди. Кейин Россия энергетика вазири Сергей Цивилев бу ташаббус нафақат электр энергиясини тижорий экспорт қилиш, балки мамлакатлар ўртасидаги оқимларни бошқариш билан боғлиқлигини тушунтирди, бу тақчиллик, табиий омиллар ва юқори юклама юзага келганда энергия тизимларини тезкор мувозанатлаш имконини беради.
Марказий Осиё энергия тизими (МОЭТ) 1960-1970-йилларда СССР таркибида ягона электр энергетика тизими сифатида шаклланган. МОЭТ минтақанинг барча мамлакатларида ишончли ва узлуксиз электр таъминотини кафолатлаш учун ташкил қилинган.
Мавзуга оид

10:57
Ҳиндистон давлат нефтни қайта ишлаш заводлари Россиядан нефт сотиб олишни тўхтатди

08:46
Германия Россия туфайли пиёдаларга қарши миналарга қайтишни муҳокама қилмоқда

07:41
Россияда амалдорларга Мах давлат мессенжерига ўтиш учун бир ой вақт берилди

23:35 / 01.08.2025