Qarg‘a avstraliyalik politsiyachilarga giyohvand moddani topishga yordam berdi

G‘arbiy Avstraliya shtati politsiyasi taqdim qilgan videoda qarg‘aning politsiyaga metamfetamin paketini topishga yordam berganini ko‘rish mumkin. Bu haqida Daily Mail nashri xabar berdi.

Videodagi izohda yozilishicha, politsiya xodimlari yonilg‘i quyish shaxobchasida to‘xtab, bu yerda giyohvand modda solingan paketni topishga muvaffaq bo‘lishgan. Ular videokuzatuv orqali metamfetaminni kim tushirib qoldirgan bo‘lishi mumkinligini ko‘rmoqchi bo‘lishgan.

Ma'lum bo‘lishicha, yonilg‘i shaxobchasi atrofida yegulik izlab yurgan qarg‘a metamfetamin solingan paketni topib oladi. Voqea bo‘yicha tergov ishlari davom etmoqda.