Tailandda akula sayyohga hujum qildi, mashhur sohilbo‘yi yopib qo‘yildi

Tailandda Say Noy mashhur sohilbo‘yi 20 kunga cho‘milish uchun yopib qo‘yildi, bunga akulaning sayyohga hujum qilgani sabab bo‘ldi. Bu haqda The Phuket News manbaga asosan xabar qilmoqda.

Nashr ma'lumotlariga ko‘ra, jabrlangan erkak Norvegiyadan kelgan bo‘lib, ayni damda shifoxonada qolmoqda. Biroq, uning hayotiga hech narsa xavf solmayotgani aytiladi.

Ayni damda mahalliy ma'muriyat Tailand dengiz va sohil resurslari departamenti bilan birgalikda cho‘milish uchun mo‘ljallangan joylar atrofini maxsus to‘rlar bilan o‘ramoqda.