Ispaniya bosh vaziri ilk tashrifi bilan an'analarga chek qo‘yishga qaror qildi

Foto: AFP/ Jose Jordan

Ispaniya bosh vaziri Pedro Sanches hukumat rahbari sifatidagi ilk tashrifini Marokashga emas, balki an'analarga zid tarzda Fransiyaga amalga oshiradi.

Parijda Sanches prezident Emmanuel Makron bilan shu shanbada uchrashadi, bu haqda u TVE davlat televideniyesiga bergan intervyusida xabar berdi.

Bundan tashqari, Sanches yaqin vaqt ichida Germaniya kansleri Angela Merkel va Portugaliya bosh vaziri Antoniu Koshta bilan muzokaralar o‘tkazmoqchi.

Felipe Gonsales davridan beri (1983 yil) Ispaniyaning barcha bosh vazirlari (Xose Mariya Asnar, Xose Luis Rodriges Sapatero va Mariano Raxoy) ilk tashrifni aynan Marokashga amalga oshirgan. Sanchesning ma'lum qilishicha, Marokashga tashrif «yilning ikkinchi yarmida» ro‘y beradi.

#Fransiya #Ispaniya #Pedro Sanches