So‘xlik abituriyentlarga berilgan imtiyozning OTMlar bo‘yicha taqsimoti ma'lum qilindi

Oliy va o‘rta maxsus ta'lim vazirligi Farg‘ona viloyati So‘x tumanidagi yoshlar uchun berilgan 500ta grant imtiyozining OTMlar bo‘yicha taqsimotini ma'lum qildi.

Grant bakalavriatning kunduzgi ta'lim shakli bo‘yicha va faqat tanlangan 1-yo‘nalishga nisbatan amal qiladi.

Ushbu imtiyozdan foydalanmoqchi bo‘lgan so‘xlik abituriyentlar 21ta OTMdan birini birinchi yo‘nalish sifatida tanlashi lozim. Ular uchun eng ko‘p o‘rin qo‘shimcha grant Farg‘ona davlat universiteti (164ta) va Qo‘qon davlat pedagogika institutiga (130) ajratilgan.