Qoʻshimcha funksionallar
-
Tungi ko‘rinish
Rossiya Markaziy banki asosiy stavkasini 17 foizga tushirdi
Rublning qisman barqarorlashuvi fonida Rossiya Markaziy banki asosiy stavkasini 20 foizdan 17 foizga pasaytirdi.
Foto: Banki.ru
Rossiya Markaziy banki direktorlar kengashi 2022 yil 11 apreldan boshlab asosiy stavkani 3 foiz punktiga pasaytirib, 17 foiz etib belgiladi. Bu Moskva birjasida rubl sezilarli darajada mustahkamlana boshlangani bilan izohlangan.
Rossiya regulyatoriga ko‘ra, mamlakat iqtisodiyoti uchun tashqi sharoitlar og‘irligicha qolayotgan bo‘lsa-da, mamlakat moliyaviy barqarorligi uchun xatarlar o‘sishdan to‘xtagan.
«Muddatli depozitlar bo‘yicha mablag‘larning barqaror oqimi kuzatilmoqda. Narxning o‘sish sur’ati so‘nggi paytlardagi rubl kursining qisman barqarorlashuvi tufayli pasaydi. Pul-kredit siyosatining qattiqlashuvi Markaziy bank va hukumat tomonidan boshlangan kreditlarni qo‘llab-quvvatlash dasturlari hisobiga qisman qoplandi», deyiladi Rossiya regulyatori bayonotida.
Avvalroq, Rossiyaning Ukrainaga harbiy harakatlari boshlanganidan keyin sanksiyalar va rublning qulashi sabab Markaziy bank stavkasi 9,5 foizdan 20 foizgacha oshirilgandi.
Mavzuga oid
21:02 / 29.04.2025
Qirg‘izistonda urushga yollashda ayblangan “Rus uyi” xodimi hibsdan qo‘yib yuborildi
20:36 / 29.04.2025
Rossiyada pora orqali holatini qonuniylashtirilgan migrantlarni deportatsiya qilish taklif etildi
18:08 / 29.04.2025
Patrushev Rossiyaning Odessaga da’vosini e’lon qildi
15:27 / 29.04.2025