Qoʻshimcha funksionallar
-
Tungi ko‘rinish
Noqulay ob-havo sharoiti Namangan va Andijon aeroportlari faoliyatini cheklab qo‘ydi
Namangan va Andijon xalqaro aeroportlarida quyuq sovuq tuman tufayli ko‘rinishning yomonlashishi havo kemalarini qabul qilish va jo‘natishning vaqtincha to‘xtatilishiga olib keldi.
Foto: Uzbekistan Airpors
Namanganda ko‘rinish chegarasining 700 metrgacha pasayib ketishi sababli Uzbekistan Airways aviakompaniyasining HY9816/9821 (Orenburg — Namangan — Irkutsk) va HY9822/94 (Irkutsk — Namangan — Toshkent) yo‘nalishlari bo‘yicha reyslari o‘zgartirildi.
Air Arabia aviakompaniyasining G9784/785 (Sharja — Namangan — Sharja), shuningdek, Red Wings aviakompaniyasining WZ4483/4484 (Moskva — Namangan — Moskva) reysi Toshkent xalqaro aeroportidan amalga oshiriladi.
Noqulay ob-havo sharoiti (ko‘rish masofasi 900 metr) Andijon aeroporti ishining cheklanishiga ham sabab bo‘ldi. Uzbekistan Airways'ning HY091 (Toshkent — Farg‘ona), HY049 (Farg‘ona — Samarqand), HY050 (Samarqand — Farg‘ona) va HY092 (Farg‘ona — Toshkent) reyslari o‘zgartirilgan yo‘nalish bo‘yicha amalga oshiriladi.
Noqulay ob-havo tufayli Namangan va Andijon aeroportlari vaqti-vaqti bilan o‘z ishini to‘xtatib, qayta tiklashga majbur bo‘lmoqda.
Parvozlar jadvalidagi o‘zgarishlar to‘g‘risidagi batafsil ma’lumotlarni aviatashuvchilardan olish mumkin.
Mavzuga oid
20:32 / 30.06.2025
Andijonda yuk mashinasi yonib ketdi
15:10 / 18.06.2025
Hindistonlik yoshlar Namanganda oliy ta’lim olishga jalb qilinadi
00:51 / 18.06.2025
«Andijon do‘ppisi» va «So‘qoq somsasi» geografik ko‘rsatkich sifatida ro‘yxatga olindi
09:53 / 15.06.2025