Qoʻshimcha funksionallar
-
Tungi ko‘rinish
Qozog‘istonda Rossiya gazini O‘zbekistonga tranzit qilish masalasi muhokama etilmoqda
Muzokaralar ancha konstruktiv ruhda davom etayotgani aytildi.
Foto: RIA Novosti
Qozog‘iston Energetika vaziri Almasadam Satqaliyev Rossiya gazining O‘zbekistonga ehtimoliy tranziti haqida ma’lum qildi, deb yozdi Tengrinews.
Hukumat yig‘ilishi chog‘ida jurnalistlar vazirdan Qozog‘iston, O‘zbekiston va Rossiya o‘rtasida gaz ittifoqi tuzish bo‘yicha muzokaralar olib borilyaptimi, degan savolni berishdi.
«Hozirgi vaqtda Rossiya gazini O‘zbekistonga tranzit qilish imkoniyatlari muhokama qilinmoqda, muzokaralar ancha konstruktiv ruhda davom etmoqda», dedi vazir.
Bundan tashqari, vazirning aytishicha, Qozog‘iston orqali Rossiyadan Xitoyga gaz quvurini qurish ehtimoli bo‘yicha ham muzokaralar olib borilmoqda.
«Rossiyadan Qozog‘istonning shimoliy hududlari orqali Xitoyga gaz quvurini qurish masalasi muhokama qilinmoqda. Marshrut oldindan belgilab qo‘yilgan, ushbu gaz quvurini qurish shartlari muhokama qilinmoqda», dedi u.
Eslatib o‘tamiz, 2022 yilda Qozog‘iston va Rossiya prezidentlarining Kremlda bo‘lib o‘tgan muzokaralari chog‘ida Rossiya gazini hududlar orqali tashish bo‘yicha harakatlarni muvofiqlashtirish maqsadida Rossiya, Qozog‘iston va O‘zbekistondan iborat «uch tomonlama gaz ittifoqi»ni tashkil etish haqida gap ketgan edi.
Mavzuga oid
13:55
Ochlikka ro‘para bo‘lgan G‘azo, sanksiyalardan xalos bo‘lishga urinayotgan Suriya va Rossiyaning Qirg‘izistonga tahdidi - kun dayjesti
12:04
Rossiyada migrantlar orasida jinoyatchilik darajasi yuqori emasligi ma’lum bo‘ldi
11:30
Rossiyada «Nord-Ost» terakt ishi bo‘yicha qamalgan shaxs 22 yildan keyin ozodlikka chiqdi
08:43