Qoʻshimcha funksionallar
-
Tungi ko‘rinish
Eronda Isroil razvedkasi uchun ishlaganlikda ayblangan shaxs qatl etildi
U «Mossad» bilan hamkorlik qilganlikda ayblandi.
Foto: Mahmood Hosseini
Eron hukumati Isroil razvedkasi «Mossad» manfaati uchun ishlaganlikda aybdor deb topilgan shaxsni qatl qildi, deb xabar berdi Tasnim. Nashrning yozishicha, erkak boshqa xorijiy razvedka xizmatlari bilan ham hamkorlik qilgan.
Eron tergovi aniqlaganidek, ismi-sharifi oshkor etilmagan shaxs Isroil razvedkasi uchun maxfiy ma’lumotlarni to‘plash va uzatishda vositachilar orqali ishtirok etgan. Sud tergovchilarning dalillarini qabul qilib, ayblanuvchini osish orqali o‘lim jazosiga hukm qildi. Eronning IRNA nashri aniqlik kiritishicha, sudlanuvchi va uning advokati hukm ustidan shikoyat qilishga uringan.
Hukm mamlakat janubi-sharqidagi Seyiston va Balujiston viloyatida joylashgan Zohidon qamoqxonasida ijro etilgan.
So‘nggi bir necha yil ichida Eron rasmiylari Isroilni mamlakatda yashirin amaliyotlar o‘tkazishda ayblab keladi. 2022 yil dekabrida xuddi shunday ayblovlar bilan to‘rt kishi qatl qilingan edi.
Mavzuga oid
21:32
Britaniya tashqi ishlar vaziri G‘azoda gumanitar tanaffus e’lon qilinishini “kech tashlangan qadam” deb atadi
14:03
Isroilning G‘azodagi Gumanitar fondi sobiq qo‘riqchisi harbiy jinoyatlarga guvoh bo‘lganini so‘zlab berdi
09:02
“Yangi loyihalarda Eron va Rossiyaning ishtiroki kamayib, turkiylarning ahamiyati ortib boryapti” – siyosatshunos
18:28 / 26.07.2025