Qoʻshimcha funksionallar
-
Tungi ko‘rinish
Toshkentda uy tomida 173 ta gultuvakda giyohvand o‘simliklar yetishtirayotgan shaxs ushlandi
Fuqaroning uyidan giyohvand moddalarning quritilib, sotishga tayyorlab qo‘yilgani ham topilgan.
Foto: Videodan kadr
Toshkent shahrida giyohvand moddalarning yetishtirilishi va tarqatilishi va sotilishiga qarshi tezkor tadbir o‘tkazilgan. Bu haqda shahar IIBB axborot xizmati xabar bermoqda.
Tadbir davomida Shayxontohur tumanida yashovchi fuqaro yashash uyining tom qismida gultuvaklarda giyohvand o‘simliklar yetishtirayotgani aniqlangan.
Ma’lum bo‘lishicha, fuqaro uyining tomida maxsus joy qilib, u yerda sug‘orish tizimi va chiroqlar o‘rnatib 173 ta gultuvakda marixuana giyohvand o‘simliklarini o‘stirgan.
Shuningdek, fuqaroning xonadonida ko‘p miqdorda giyohvand o‘simliklarning quritilgani va urug‘lari ham topilgan. Bundan tashqari, giyohvand moddalarni tortish uchun tarozi va boshqa buyumlar borligi aniqlangan.
“Fuqaroning uyidan olingan barcha daliliy ashyolar Toshkent shahar IIBB ekspertiza markaziga topshiriladi. Ekspertiza xulosasi olingandan so‘ng fuqaroga nisbatan qonuniy qaror qabul qilinadi”, deyiladi xabarda.
Mavzuga oid
10:23 / 10.04.2025
Andijonda o‘z xonasida giyohvand modda iste’mol qilgan amaldor ishdan olindi
15:42 / 09.04.2025
Andijon shahar bandlik bo‘limi boshlig‘i o‘z xonasida psixotrop modda iste’mol qilgani ma’lum bo‘ldi
14:15 / 09.04.2025
Toshkent shahrida ota 1,7 mlrd so‘m aliment to‘ladi
12:31 / 08.04.2025