Prezident maxsus vakili Niderlandiya elchisi va AQSh eksperti bilan Afg‘onistondagi vaziyatni muhokama qildi
O‘zbekiston prezidentining Afg‘oniston bo‘yicha maxsus vakili Ismatulla Ergashev Niderlandiya elchisi (qarorgohi Ostona shahrida) Niko Sxemers bilan uchrashdi.

Foto: Dunyo
TIV ma’lumotiga ko‘ra, suhbat chog‘ida O‘zbekiston va Niderlandiya o‘rtasidagi afg‘on yo‘nalishidagi munosabatlarni rivojlantirish istiqbollari muhokama qilindi.
Niderlandiyaning yuqori martabali diplomati Afg‘onistonda barqaror tinchlik o‘rnatishda O‘zbekistonning muhim roli va rasmiy Toshkentning qo‘shni mamlakat ijtimoiy-iqtisodiy infratuzilmasini tiklash borasidagi sa’y-harakatlarini alohida ta’kidladi.
Shuningdek, Indiana universiteti (AQSh) antropologiya va Markaziy Osiyo va Yaqin Sharq tadqiqotlari kafedrasi professori Nazif Shahroniy bilan ham uchrashuv bo‘lib o‘tdi.
Tomonlar Afg‘onistondagi vaziyatning rivojlanishi, bu mamlakatda barqarorlikni o‘rnatish yo‘llari yuzasidan fikr va baholar almashdilar.
Nazif Shahroniy o‘z vatanidan tashqarida yashayotgan afg‘onlar O‘zbekistonning afg‘on xalqiga insonparvarlik yordami ko‘rsatish va umuman Afg‘onistonda barqarorlik o‘rnatishdagi faol ishtirokini yuksak qadrlashini ta’kidladi.
Mavzuga oid

14:58 / 19.05.2025
O‘zbekiston va Shvetsiya Afg‘oniston yo‘nalishidagi hamkorlikni muhokama qildi

15:06 / 15.05.2025
O‘zbekiston Afg‘onistondan chorva mollarini import qilishi mumkin

17:22 / 14.05.2025
Afg‘oniston O‘zbekistonga Hirot oq marmarini sovg‘a qildi

15:43 / 14.05.2025