Yer uchastkalarini ijaraga berish tartibi takomillashtirildi

Vazirlar Mahkamasining qarori bilan "Qishloq xo‘jaligiga mo‘ljallangan yer uchastkalarini ijaraga berish tartibiga doir normativ-huquqiy hujjatlarni tasdiqlash to‘g‘risida"gi qarorga o‘zgartirishlar kiritildi.

Foto: Kun.uz

Hujjat qonunlar qabul qilinishi hamda prezident farmoniga muvofiq ishlab chiqilgan.

O‘zgartirish va qo‘shimchalarda quyidagilar nazarda tutilgan:

• qishloq xo‘jaligi uchun mo‘ljallangan yer uchastkasi ijarachisi yerdan foydalanishning asosiy maqsadli vazifasini o‘zgartirmagan holda yer uchastkasini ijaraga olish shartnomasi bo‘yicha o‘z huquq va majburiyatlarini boshqa shaxsga berish (qayta topshirish) bo‘yicha bitimni rasmiylashtirish uchun notarial idoraga shaxsan murojaat qilishi shart;
• qishloq xo‘jaligi uchun mo‘ljallangan yer uchastkasi boshqa shaxsga faqat to‘liq hajmda ijaraga berilishi mumkin, yer uchastkasini ijaraga olish shartnomasi bo‘yicha huquq va majburiyatlar esa ijaraning qolgan muddatiga rasmiylashtiriladi.

#yer #ijara