Yaponiyada tug‘ilish ko‘rsatkichi 1899 yildan beri eng past darajaga tushib ketdi
Shu bilan birga, mamlakatda tug‘ilishning kamayishi fonida o‘limlar soni ortmoqda. Yaponiyada o‘tgan yili o‘lim holati 1,8 foizga oshib, rekord darajaga yetgan.

Foto: Kyodo
Yaponiyada 2024 yilda 720 ming 988 chaqaloq, jumladan, chet el fuqarolarining farzandlari dunyoga keldi. Mamlakat Sog‘liqni saqlash vazirligi ma’lumotlariga ko‘ra, bu bir yil oldingi ko‘rsatkichdan 5 foizga kam.
Qayd etilishicha, o‘tgan yilda bolalarning tug‘ilish hisobini yuritish boshlangan 1899 yildan beri eng kam chaqaloq dunyoga kelgan.
Yaponiyada rekord darajadagi tug‘ilish 1949 yilga to‘g‘ri keladi — o‘shanda 2,69 milliondan ortiq bola tug‘ilgan. Ammo 1974 yildan beri ushbu ko‘rsatkich barqaror ravishda kamayib kelmoqda. 2016 yilda tug‘ilishlar soni yiliga 1 milliondan tushib ketgan va shundan buyon har yili 3-5 foizga qisqarmoqda. Sog‘liqni saqlash vazirligi buni bir qator sabablar bilan bog‘laydi.
Xususan, so‘nggi yillarda yaponlar kechroq oila qurishni ma’qul ko‘rmoqda va tabiiyki bolalar tug‘ilishi ham kechikyapti. 2024 yilda tuzilgan oilalar soni 1945 yildan beri eng kam ko‘rsatkichlardan birini tashkil etgan — 499 ming 999 ta. Bundan yomon ko‘rsatkich faqat 2023 yilda qayd etilgan.
Bundan tashqari, koronavirus pandemiyasi ham vaziyatga salbiy ta’sir ko‘rsatgan. Yaponiyada tug‘ilishning kamayishi fonida o‘lim holatlari ortmoqda. Vazirlik ma’lumotlariga ko‘ra, o‘tgan yili o‘lim holati 2023 yilga nisbatan 1,8 foizga oshgan va rekord darajaga yetgan — 1,62 million kishi.
Avvalroq Janubiy Koreyada tug‘ilish ko‘rsatkichi to‘qqiz yil ichida birinchi marta o‘sgani to‘g‘risida xabar berilgandi. Mamlakat shaharlari orasida tug‘ilishning eng past koeffitsienti Seulda qayd etilgan. O‘tgan yilgi o‘sish qisman pandemiyadan keyin qurilgan oilalar sonining oshgani bilan bog‘liq.
Tavsiya etamiz
Modrich «Real»ni tark etadi
Sport | 20:38 / 22.05.2025
Suriya Isroil bilan murosa qiladimi?
Jahon | 15:40 / 22.05.2025
Sun’iy intellekt dunyodagi har to‘rtinchi ish o‘rniga ta’sir ko‘rsatmoqda - BMT
Jahon | 21:49 / 21.05.2025
Hindistonda firibgar kelin yetti oyda 25 nafar kuyovni aldadi
Jahon | 21:32 / 21.05.2025
So‘nggi yangiliklar
-
Janubiy Koreya loukosteri Seul-Toshkent yo‘nalishi bo‘yicha muntazam qatnovlarni yo‘lga qo‘ydi
O‘zbekiston | 00:47
-
Microsoft aniq ob-havo bashoratlari uchun Aurora sun’iy intellekt modelini taqdim etdi
Fan-texnika | 00:16
-
Hamburg markaziy vokzalida ayol kishi pichoq bilan odamlarga hujum qildi. Kamida 12 kishi jarohat oldi
Jahon | 23:27 / 23.05.2025
-
Samarqandda mashinasida sher bolasini olib yurgan shaxs aniqlandi
Jamiyat | 23:09 / 23.05.2025
Mavzuga oid

21:15 / 21.05.2025
Yaponiya qishloq xo‘jaligi vaziri guruch haqidagi gaplaridan keyin iste’fo berdi

09:05 / 21.05.2025
“Tabiiy, innovatsion, transformativ” – yaponlar o‘zbek pavilioniga qanday ta’rif bermoqda?

17:12 / 20.05.2025
“Tokiodagi o‘zbeklarning o‘g‘riligi O‘zbekiston imijiga minus” – Yaponiyadagi elchi bilan suhbat

11:21 / 16.05.2025