Rossiya Moldovaning uch diplomatini chiqarib yuboryapti
Moskva Moldova elchixonasining uch xodimini o‘zaro prinsip asosida persona non grata deb e’lon qildi. Avvalroq Kishinyov rossiyalik uch diplomatni «diplomatik maqomga to‘g‘ri kelmaydigan faoliyati» uchun chiqarib yuborgan edi.

Foto: Imago
Moldovaning Moskvadagi elchixonasi uch nafar xodimi persona non grata deb e’lon qilindi va Rossiya hududini tark etishlari shart. Tegishli nota 4 aprel, juma kuni Moldovaning Rossiya Federatsiyasidagi elchisi Lilian Dariyga topshirildi. Rossiya Tashqi ishlar vazirligi bu chora rossiyalik uch diplomatning Kishinyovdan chiqarib yuborilishiga javob sifatida ko‘rilganini ma’lum qildi.
31 mart, dushanba kuni Moldova Tashqi ishlar vazirligi Rossiyaning Kishinyovdagi elchixonasi uch xodimini «diplomatik maqomga to‘g‘ri kelmaydigan faoliyati» uchun chiqarib yuborish haqida buyruq berdi. Moldova rasmiylari Rossiya elchixonasini korrupsiyada va siyosiy partiyalarni noqonuniy moliyalashda ayblanayotgan rossiyaparast deputat Aleksandr Nesterovskiyning tan olinmagan Dnestrbo‘yiga qochib ketishiga yordam berganlikda aybladi.
Moldova razvedkasi ma’lumotlariga ko‘ra, Nesterovskiy Rossiya elchixonasi binosida panoh topgan, shundan so‘ng uni diplomatik raqamlari bo‘lgan mashinada Dnestrbo‘yiga olib ketishgan. Rossiya Tashqi ishlar vazirligi bu ayblovlarni rad etdi. «Rossiya diplomatik vakolatxonasini Moldova Respublikasining ichki ishlariga aralashishda ayblashga urinishlar hech qanday asosga ega emas», — deyiladi Rossiya diplomatik missiyasi bayonotida.
Moldova va Rossiya o‘rtasidagi munosabatlar Rossiyaning Ukrainaga keng ko‘lamli bostirib kirishi boshlanganidan beri o‘ta keskinligicha qolmoqda. So‘nggi yillarda har ikki davlat bir-birining o‘nlab diplomatlarini chiqarib yubordi, deb xabar beradi AFP. Kishinyov bir necha bor Kremlni mamlakat ichki siyosatiga, jumladan, Moldovadagi saylov natijalariga aralashishda ayblagan.
Tavsiya etamiz
Qatiq, murabbo va yadro quroli. Putin yangi filmda nimalar dedi?
Jahon | 21:59 / 06.05.2025
Avtomobil importiga ekosertifikat – utilizatsiyaga qo‘shimcha “bonus”mi?
O‘zbekiston | 20:34 / 06.05.2025
Isroil Suriyani bombaladi. Turkiya nega sukutda?
Jahon | 12:44 / 06.05.2025
May oyida vodiyda me’yorga yaqin harorat kutiladi, mamlakatning katta qismida oy xuddi iyun kabi o‘tadi
O‘zbekiston | 11:17 / 06.05.2025
So‘nggi yangiliklar
-
YeI G7 tashabbusi doirasida Ukrainaga yana 1 mlrd yevro to‘ladi
Jahon | 15:59
-
Foto: Shavkat Mirziyoyev Moskvadagi harbiy paradda ishtirok etdi
O‘zbekiston | 15:46
-
"Ostona–Turkiston–Samarqand" yo‘nalishida yangi aviaqatnovlar yo‘lga qo‘yildi
O‘zbekiston | 15:18
-
Samarqand shahridagi ko‘p qavatli uyda gaz portladi. Qurbonlar bor
O‘zbekiston | 14:57
Mavzuga oid

19:35 / 02.05.2025
Bloomberg: Tramp jamoasi Rossiyaga iqtisodiy bosimlarni kuchaytirish variantlarini tayyorladi

22:09 / 01.05.2025
Tramp bilan muzokaralar boshlanganidan keyin rossiyalik milliarderlar 15 mlrd dollarga boyidi

17:33 / 01.05.2025
Ukraina Rossiya bilan urushni tugatish uchun 22 ta shartga rozi – Kellog

14:30 / 01.05.2025