Qoʻshimcha funksionallar
-
Tungi ko‘rinish
Qirg‘izistonda Rossiya armiyasiga yollash bilan shug‘ullangan «Russkiy dom» xodimi hibsga olindi
Ish yuzasidan 4 kishi ushlangan, ular Rossiya armiyasiga yollash bilan shug‘ullanganlikda ayblanmoqda.
Foto: kirghizia-osh.rs.gov.ru
Qirg‘izistondagi «Russkiy dom» xodimi va yana uch kishi Rossiya armiyasiga yollash bilan shug‘ullanganlikda ayblanib, hibsga olindi. Bu haqda «Ozodlik» radiosining qirg‘iz xizmati xabar berdi.
Nashrning ta’kidlashicha, qo‘lga olinganlarning barchasi Qirg‘iziston Jinoyat kodeksining 416-moddasi («Xorij armiyasiga noqonuniy yollanish») bo‘yicha gumon qilinmoqda. Jinoyat ishi Milliy xavfsizlik davlat qo‘mitasi (MHDQ) tomonidan qo‘zg‘atilgan.
Sud xabarida hibsga olinganlar ismi-sharifining faqat bosh harflari ko‘rsatilgan. «Ozodlik» radiosining ma’lum qilishicha, hibsga olinganlardan biri O‘sh shahridagi «Russkiy dom» (Rossotrudnichestvo vakolatxonasi) xodimi Natalya Sekerina hisoblanadi. Hibsga olinganlardan yana biri – O‘sh meriyasi matbuot xizmati xodimi Sergey Lapushkin.
Ish yuzasidan Lapushkin va Sekerinadan tashqari yana ikki kishi hibsga olingan. Ularning ismlari noma’lum. To‘rt nafari ham 17 iyunga qadar hibsga olingan.
Rossiya-Ukraina urushi
Mavzuga oid
18:50
«Vladimir, to‘xta!» - Tramp Rossiyaning Kiyevga zarbasi haqida
13:30
90 foiz uylar vayron bo‘lgan G‘azo, Kashmirdagi teraktda ayblanayotgan Pokiston va barbod bo‘lgan London muzokaralari - kun dayjesti
12:43
Rossiya fuqarolarining O‘zbekistondagi mehmonxonada zaharlanishi bo‘yicha tergov yakunlandi
09:50