Qoʻshimcha funksionallar
-
Tungi ko‘rinish
Rossiyalik 99 nafar bola dam olish uchun O‘zbekistonga keldi
Belgorod va Bryansk viloyatlaridan kelgan bolalar «Anor» sog‘lomlashtirish oromgohida dam oladi.
Foto: Rossiyaning O‘zbekistondagi elchixonasi
O‘zbekiston kasaba uyushmalari federatsiyasi taklifiga binoan Rossiyaning Belgorod va Bryansk viloyatlaridan 99 nafar bola deyarli 2 hafta davomida Toshkent viloyati tog‘laridagi «Anor» bolalar sog‘lomlashtirish oromgohida dam oladi. Bu haqda Rossiyaning O‘zbekistondagi elchixonasi xabar berdi.
Qayd qilinishicha, Toshkent aeroportida bolalarni Rossiyaning O‘zbekistondagi muvaqqat ishlar vakili Andrey Lanchikov, O‘zbekiston Kasaba uyushmalari federatsiyasi rahbariyati va O‘zbekiston Tashqi ishlar vazirligi vakillari kutib oldi.
«O‘zbekiston hukumatiga birinchi marta o‘tkazilayotgan bunday ajoyib aksiya uchun minnatdorchilik bildiramiz, bolalarga esa mehmondo‘st O‘zbekistonda unutilmas ta’til o‘tkazishlarini tilaymiz!», deyiladi elchixona xabarida.
Avvalroq, bir guruh ukrainalik bolalar dam olish va reabilitatsiya uchun Toshkentga kelgan edi. Ular 12 kun davomida maxsus dam olish va psixologik tiklanish dasturidan o‘tdi.
Mavzuga oid
23:43 / 18.07.2025
Tramp Putin va Si bilan Xitoyda, Ukraina bo‘yicha «dedlayn» kunida uchrashishi mumkin
23:30 / 18.07.2025
Ukraina «Gazprom» serverlariga keng ko‘lamli hakerlik hujumi uyushtirganini e’lon qildi
22:58 / 18.07.2025
YeI birinchi marta Xitoy banklariga Rossiya bilan hamkorlik qilgani uchun sanksiyalar kiritdi
14:41 / 18.07.2025