Қўшимча функционаллар
-
Тунги кўриниш
Фаластин АҚШ вице-президентини қабул қилишдан бош тортди
Фото: Michael Conroy/AP
Фаластин раҳбарияти Ал-Қудснинг Исроил пойтахти деб тан олиниши ва АҚШнинг Исроилдаги элчихонасининг у ерга кўчирилиши қарорига нисбатан норозилик сифатида АҚШ вице-президенти Майкл Пенс билан учрашишдан бош тортди. Бу ҳақда Фаластиннинг ФАТҲ ҳаракати вакили Жаброил Ражубга иқтибос келтирган ҳолда Reuters ахборот агентлиги хабар берди.
“Биз босиб олинган Ал-Қудснинг Исроил пойтахти деб тан олинишига жавобан АҚШ вице-президентини Фаластин ҳудудида қабул қилмаймиз”, деб айтган Ражуб.
АҚШ президенти Дональд Трамп 6 декабрда Ал-Қудсни Исроил пойтахти деб тан олди ва АҚШ давлат департаментига элчихонани Тель-Авивдан у ерга кўчиришни бошлаш вазифасини топширди. АҚШ конгресси Ал-Қудс бўйича ушбу қарорни 1995 йилдаёқ чиқарган, бироқ аввалги президентлар тегишли ҳужжатни имзоламай келганлар. БМТда таъкидланишича, ушбу масалани Исроил ва Фаластингина ҳал қила олади.
Қуддус Исроил пойтахти деб тан олиниши
6 декабрь куни АҚШ президенти Дональд Трамп Қуддуснинг Исроил пойтахти деб тан олди. У АҚШ Давлат департаментига Тель-Авивдаги элчихонани Қуддусга кўчиришга тайёргарлик кўришни бошлаш вазифасини топширди.
Мавзуга оид
15:38 / 26.04.2025
Трампнинг янги режаси, Путиннинг сулҳи, Киевнинг талаблари — Геосиёсий ҳафта таҳлили
13:54 / 26.04.2025
Ғарбий соҳилдаги қувғинлар, Фаластин учун курашаётган Ҳарвард ва портлатилган рус генерали — кун дайжести
12:04 / 26.04.2025
АҚШ 18 давлат билан савдо музокаралари режасини тайёрлади
11:31 / 26.04.2025