Коронавируснинг ҳиндча штамми бутун Европага тарқалиши тахмин қилинди

Коронавируснинг делта-варианти 60дан ортиқ мамлакатда аниқланган. У коронавируснинг дастлабки штаммига нисбатан 60 фоизга юқумли, деб ҳисобланмоқда.

Европа касалликларнинг олдини олиш ва назорат қилиш маркази раҳбари Андреа Аммон коронавируснинг ҳиндча штамми тезлик билан бутун Европага тарқалишини тахмин қилди, деб ёзади The Independent.

Унинг сўзларига кўра, 2021 йил августига бориб, Европа ҳудудидаги коронавирус юқтириш ҳолатларининг 90 фоизи вируснинг делта-вариантига тўғри келади. У шунингдек, эмланмаганлар орасида касаллик юқтиришлар сони кескин ўсишини айтди.

Нашрнинг ёзишича, вируснинг ҳиндча штамми Франция ва Испанияда қайд этилган. У Белгия, Италия ва Португалияда аллақачон тарқалган.

Аввалроқ Ўзбекистонда коронавируснинг «ҳиндча» штамми аниқлангани хабар қилинганди.

#коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.