Қўшимча функционаллар
-
Тунги кўриниш
Тошкент-Термиз автомобил йўли бир неча соатга ёпилиб қолди
Халқаро аҳамиятдаги йўлнинг Сирдарё туманидан ўтган қисми қарийб уч соат давомида ёпилиб қолган.
Фото: ИИВ ЙҲХББ ахборот хизмати
Ижтимоий тармоқларда Бахт шаҳрига етмасдан минглаб машина тиқилинчда қолиб кетгани айтилган хабарлар тарқалди. ИИВ ЙҲХББ ахборот хизмати хабарлар юзасидан маълумот берди.
Маълум қилинишича, 2022 йил 6 июн соат 00:15 ларда М-34 автомобил йўлининг Сирдарё тумани “Исломобод” МФЙ ҳудудидан ўтувчи 87-88-километрлари оралиғидаги таъмирланаётган кўприк устида Сурхондарё вилояти Денов туманида яшовчи Х.С. бошқарувида бўлган шахсий Mercedes Benz юк автомобил носозлиги туфайли мажбурий тарзда тўхтаб қолган.
Оқибатда йўл ёпилиб Термиз-Тошкент йўналишда сунъий тирбандлик содир бўлган.
Шундан сўнг ЙПХ ходимлари томонидан тирбандликни бартараф этиш мақсадида транспортлар ҳаракати Сайхунобод туманидан ўтувчи маҳаллий ички йўлдан ташкил қилинган.
Қайд этилишича, М-34 йўлининг 88-километрида юзага келган тирбандлик соат 2:45 ларда бартараф этилиб, автомашиналар қатнови тикланган.
«Эслатиб ўтамиз, ушбу ҳудудда 2022 йил 13 май кунидан бошлаб таъмирлаш ишлари олиб борилмоқда», дейилади хабарда.
Мавзуга оид
17:59 / 18.04.2025
«Эсингиз борида этагингизни ёпиб олинг» — Турдимов хусусий корхоналар раҳбарларини солиқдан қочмасликка чақирди
17:39 / 28.02.2025
Сирдарё ва Оқолтин туманларига янги ҳоким тайинланди
13:45 / 26.02.2025
Сирдарё вилояти ҳокимига янги ўринбосар тайинланди
11:26 / 04.02.2025