Қўшимча функционаллар
-
Тунги кўриниш
Симоняннинг уйи ёнида дрон уриб туширилди
Душанба тонгида Россия пойтахти Москвага яна дронлар ҳужуми амалга оширилди. Оқибатда Москвадаги аэропортлар вақтинча ишламай қолди.
Фото: Маргарита Симоняннинг Telegram-канали
Москвага уюштирилган навбатдаги дронлар ҳужуми фонида пойтахтдаги Шереметево, Домодедово, Внуково ва Жуковский аэропортлари вақтинча ёпилган. Бу ҳақда расман эълон қилинмаган бўлса-да, ушбу аэропортлар рейсларни қабул қилмаяпти, самолётлар ҳам у ердан учиб кетмаяпти.
«РИА Новости»нинг ёзишича, Внуково аэропортида душанба тонгги соат 06:25 дан бошлаб рейсларни бошқа аэропортларга йўналтиришни бошлаган. Бунга сабаб сифатида хавфсизлик чора-тадбирлари келтирилган.
Москвага учирилган дронлардан бири Россия бош пропагандачиларидан бўлмиш Маргарита Симоняннинг уйи яқинида уриб туширилган. Бу ҳақда пропагандачининг ўзи Telegram-каналида ёзиб қолдирган. «Ўша учувчисиз қурилма. Уни Истринск туманида уриб туширишди, биздан битта нариги кўчада қулади. Ҳаво ҳужумидан мудофаа тизимимизга раҳмат, қурбон ва йўқотишлар бўлмади», деб ёзди Симонян.
Мавзуга оид
11:31 / 26.04.2025
Трамп ўтган жума Россия-Украина музокаралари учун яхши кун бўлганини айтди
00:41 / 26.04.2025
Россияда мигрантларнинг фарзандларини боғчага қабул қилишда қўшимча ҳужжатлар талаб этилиши мумкин
13:55 / 25.04.2025
Очликка рўпара бўлган Ғазо, санкциялардан халос бўлишга уринаётган Сурия ва Россиянинг Қирғизистонга таҳдиди — кун дайжести
12:04 / 25.04.2025