Зеленский Украина тинчлик учун қандай муросага тайёрлигини айтди

Украинага Европа ҳарбий контингентининг киритилиши Украина билан Россияни яраштиришда муроса излаш учун асос бўлиши мумкин. УНИАН мухбирининг хабар беришича, бу ҳақда президент Владимир Зеленский журналистлар билан учрашувда маълум қилди.

«Европа биз билан ва у бизга ёрдам беради. Кўнгиллилар коалицияси – Украина учун хавфсизлик кафолати. Ва уларнинг кучларини НАТО низомининг бешинчи моддасига кўра ҳудудимизга жойлаштириш, бунда НАТО аъзоси бўлиш шартмас. Улар Украинага жойлаштирилиши мумкин...», деди Зеленский.

Президент сўзларига кўра, Европа бу жараёнда АҚШ ҳам иштирок этишига катта умид қилмоқда.

«Бу агар бирор нарса юз берса, Америка улар билан ва Украина билан бирга бўлишини англатади», деб қўшимча қилди Зеленский.

Шу билан бирга, давлат раҳбари бу европаликлар Украинага ёрдам бермайди ёки ёрдам миқдорини камайтиради дегани эмас, деб ҳисоблайди.

«Улар ёрдамни кўпайтиради, чунки уларга Украинада қўшинлари билан ҳозир бўлишдан кўра, бизга кўпроқ ёрдам бериши хатарли эмас. Уларнинг мавжудлиги бизга муроса қилиш имкониятини беради, бироқ айтиш мумкинки, бугунги кунда давлатимиз 1991 йил чегараларидаги ҳудудларни қайтариб олиш кучига эга эмас», деб таъкидлади Зеленский.

Шунингдек, Зеленский ҳудудда Европа кучларининг мавжудлиги Украинага нима беришини тушунтирди.

«Бу бизга Украинани сақлаб қолиш имконияти ва хавфсизлик кафолатларини беради. Чунки бу русларнинг қайтиш хавфини камайтиради. Балки бу НАТО эмасдир. Лекин сиз ва мен учун бу хавфсизлик кафолати. Бундай ёрдамга эга бўлганингизда, сиз руслар билан яккама-якка гаплашасиз, агар бўлмаса, бу кўпроқ ультиматумга ўхшайди. Чунки Путин ким билан гаплашаётганини тушунади», деди у.