Тошкентда офисдан 560 минг долларни ўмариб кетган шахслар ушланди

Тошкент шаҳрининг Миробод туманида ўғрилик жинояти содир этилди. Гумонланувчилар офисдан 560 минг АҚШ доллари миқдоридаги пулларни ўғирлаб чиқиб кетган.

Фото: Видеодан кадр

Ўтказилган тезкор тадбирлар натижасида мазкур жиноятга икки нафар шахс қўл урганлиги аниқланган. Улар ўзига тегишли бўлган "Жентра" автомашинасида келган.

Воқеага жойига чиқиб ўрганилганда, ушбу фирманинг бошлиғи ўзига тегишли бўлган хонадаги сейфда 560 минг АҚШ доллари ва икки дона флеш-карта ҳамда ҳужжатлар бўлганини маълум қилган.

Икки нафар шахс ушбу жойга "Жентра" автомашинасида келгани аниқланиб, ичкарига кирганидан сўнг сейфни бутунлигича кўтариб ойнадан улоқтиришган. Сўнгра пастдан икки нафар шахс уни кўтариб автомашинага юклаган ва номаълум томонга яширинган.

Гумонланувчининг шахсига аниқлик киритилиб қўлга олинган ва етказилган зарар - 440 минг АҚШ доллари ҳамда бир дона "Ҳонда" мотоцикли қайтарилган.

Ушбу ушланган шахснинг кўрсатмалари асосида яшаш хонадонига борилганида, у хонадоннинг ертўла қисмида сейфни "болгарка" орқали кесиб очгани, пулларни ўзлаштиргани, сўнг сейфни каналга улоқтиргани маълум бўлган.

#Миробод тумани #ўғрилик