Fransiya Kubogida «PSJ»ning gegemonligiga chek qo‘yildi

Sen-Denidagi «Stad de Frans» stadionida Fransiya Kubogi finali o‘tkazilib, unda «Renn» — «PSJ»ni penaltilar seriyasiga ko‘ra mag‘lub etdi — 6:5.

O‘yinda hisobni «PSJ» himoyachisi Dani Alves ochgandi, u 13-daqiqada jarima maydonidan tashqaridan kuchli zarba yo‘llab gol urdi.

Quel but de Dany Alves !!! 1:0 #PSG 🆚 #Rennes#SRFCPSG
🔴🔵 #AllezParis pic.twitter.com/UvRqhtNK5B

— Franck Ladriere news 🇫🇷 (@GirardinExpert) April 27, 2019

Birinchi bo‘lim o‘rtalarida Neymar parijliklar jamoasi ustunligini mustahkamladi.

Neymar with a cheeky dinky dink to make it 2-0 PSG. The Brazilians are having fun 🇧🇷 #SRFCPSG pic.twitter.com/wpgK0DGV3B

— GFFN Match Zone (@GFFNMatchZone) April 27, 2019

40-daqiqada «PSJ» himoyachisi Presnel Kimpembe o‘z jamoasi darvozasini ishg‘ol etib qo‘ydi. Ikkinchi bo‘lim o‘rtalarida «Renn» himoyachisi Mesher muvozanatni tikladi.

O‘yinga qo‘shib berilgan ikkita 15 daqiqali bo‘limlarda muxlislar gol ko‘rishmadi. 118-daqiqada parijliklar hujumchisi Kilian Mbappe maydondan chetlatildi. Penaltilar seriyasida «Renn» futbolchilari aniqroq harakat qilishdi — 6:5.

Parijliklar safida oltinchi bo‘lib nuqtaga yaqinlashgan Stefan Nkunku xatoga yo‘l qo‘ydi.

Shu tariqa, «Renn» o‘z tarixida uchinchi marta Fransiya Kubogini qo‘lga kiritdi. Qizil-qoralar bu turnirda 1965 va 1971 yillarda g‘olib bo‘lishgan. Bu borada fransiyada rekordchi klub «PSJ» hisoblanadi — 12 sovrin. Klub keyingi 4 yilda bu sovrinni hech bir klubga bermagandi (1982, 1983, 1993, 1995, 1998, 2004, 2006, 2010, 2015, 2016, 2017, 2018).

Fransiya Kubogi
Final
Renn – PSJ 2:2 (1:2, 1:0, 0:0, 0:0), penaltilar bo‘yicha - 6:5
Gollar: 0:1 – 13 Dani Alves, 0:2 – 21 Neymar, 1:2 – 40, avtogol Kimpembe, 2:2 – 66 Mesher.
Renn – Koubek, Da Silva, Bensebayni, Traore, Mesher, Ben-Arfa, Andre, Burigo (Lea Siliki, 105), Grene, Sarr, Nyang.
PSJ – Areolya, Kimpembe, Markinos, Bernat, Dani Alves, Draksler (Kavani, 90), Verratti, Di Mariya (Paredes, 75), Dagba (Diabi, 105; Nkunku, 120), Neymar, Mbappe.
Penaltilar seriyasi: 1:0, 1:1, 2:1, 2:2, 3:2, 3:3, 4:3, 4:4, 5:4, 5:5, 6:5.
Ogohlantirishlar: Grene (24), Verratti (29), Neymar (44), Di Mariya (55), Mesher (68), Burigo (71), Paredes (95), Andre (97), Nyang (107), Bensebayni (112), Lea Siliki (118).
Chetlatish: Mbappe (118).