Qoʻshimcha funksionallar
-
Tungi ko‘rinish
AQSh va Isroil birgalikda «Eron tajovuziga» qarshi turishga kelishib oldi
Qo‘shma Shtatlar Eron yadro quroliga ega bo‘lishiga yo‘l qo‘ymasligini yana bir bor tasdiqladi.

Foto: gov.il
AQSh Mudofaa vazirligi rahbari Lloyd Ostin va Isroil bosh vaziri Benyamin Netanyaxu «Eron tajovuziga» qarshi turishga kelishib oldi. Bu haqda Pentagon xabar berdi.
«Ikki yetakchi Eronning mintaqadagi tahdidlarini muhokama qildi va Eron tajovuziga qarshi kurashish uchun hamkorlikni kengaytirishga kelishib oldi», deyiladi Pentagon bayonotida.
Isroilda o‘tgan uchrashuvda Ostin Qo‘shma Shtatlarning Eron yadro quroliga ega bo‘lishiga yo‘l qo‘ymaslik majburiyatini yana bir bor tasdiqladi.
Avvalroq, Atom energiyasi bo‘yicha xalqaro agentlik (MAGATE) inspektorlari Eroning Fordo yer osti atom zavodida 83,7 foizgacha boyitilgan uran zarralari topilgani haqida hisobot bergan edi.
Shundan so‘ng, AQSh Davlat departamenti matbuot kotibi Ned Prays Qo‘shma Shtatlar Eronning yadro quroliga ega bo‘lishiga hech qachon yo‘l qo‘ymasligini aytdi.
«Prezident (Jo) Bayden Eron hech qachon yadro quroliga ega bo‘lmasligi haqida jiddiy va qat’iy va’da berdi. Biz bunga hech qachon yo‘l qo‘ymaymiz», dedi diplomat.
Mavzuga oid

22:55 / 02.08.2025
AQSh Senati Rossiyaga qarshi yangi sanksiyalarni ma’qullamasdan ta’tilga chiqmoqda

21:35 / 02.08.2025
Hindiston Trampning tahdidlariga qaramay, Rossiyadan neft sotib olishda davom etadi – OAV

20:28 / 02.08.2025
HAMAS Falastin davlati tashkil etilmaguncha qurolni tashlashdan bosh tortdi

16:30 / 02.08.2025