Qoʻshimcha funksionallar
-
Tungi ko‘rinish
Pokiston O‘zbekistonning arxeologik obektlarni saqlash tajribasini o‘rganmoqchi
O‘zbekiston elchisi Alisher To‘xtayev Pokistonning Panjob viloyati turizm, arxeologiya va muzeylar departamenti rahbari Farid Ahmad Tarar bilan uchrashdi.
Foto: "Dunyo" AA
Unda Panjob viloyati va O‘zbekiston hududlari o‘rtasida ushbu sohalarda hamkorlikni mustahkamlash istiqbollari muhokama qilindi.
Madaniy-gumanitar aloqalarni rivojlantirish, qo‘shma tadbirlar, fotoko‘rgazmalar va biyennalelar tashkil etish, shuningdek, tarixiy yo‘nalishlarni ilgari surish borasida katta salohiyat mavjudligi ta’kidlandi.
Farid Ahmad Tarar O‘zbekistonning arxeologik obektlarni saqlash va restavratsiya qilish, ochiq osmon ostidagi muzeylarni boshqarish, shuningdek, YuNeSKO himoyasidagi qadimiy obidalarni muhofaza qilish borasidagi tajribasini o‘rganishga qiziqish bildirdi.
Tomonlar milliy qadriyatlarni ommalashtirishga qaratilgan loyihalarni birgalikda amalga oshirish istiqbollari muhokama qildilar.
Ushbu tashabbuslarni hayotga tatbiq etish maqsadida qo‘shma ishchi guruh tuzish va uning O‘zbekistonning tarixiy shaharlariga safarini tashkil etish bo‘yicha kelishib olindi. Samarqand, Buxoro, Xiva, Shahrisabz va Qo‘qon shaharlari asosiy yo‘nalishlar sifatida belgilandi.
Mavzuga oid
22:02 / 24.04.2025
Hindiston Pokistonni sayyohlar o‘limida ayblab, uni suvsiz qoldirish bilan tahdid qilmoqda. Urush boshlanishi mumkinmi?
18:09 / 24.04.2025
Hindiston Kashmirda sayyohlarga uyushtirilgan hujumdan keyin pokistonliklar vizasini bekor qildi
09:30 / 24.04.2025
Hindiston Kashmirdagi teraktdan keyin Pokistonga cheklovlar joriy qildi
17:52 / 19.04.2025