Chorsudagi beshik bozorida do‘konlardan biri yonib ketdi

Yong‘inga qisqa tutashuv sabab bo‘lgani aytilmoqda. Do‘kon egalari avvaliga yong‘inni o‘zlari o‘chirishga urinishgan, lekin eshikni ochishganida ichkariga kislorod kirib, yong‘in kattalashib ketgan. 5-6 mln so‘mlik tovarlar yondi, deydi do‘kondor.

{Yii::t(}

O'tkazib yuborish 6s

O'tkazib yuborish

Bugun, 8 aprel kuni soat 7:30 larda Toshkentdagi Chorsu bozori yaqinida joylashgan duradgorlik mahsulotlari do‘konlaridan birida yong‘in sodir bo‘ldi. Dastlabki ma’lumotlarga ko‘ra, yong‘in qisqa tutashuvdan kelib chiqqan.

Toshkent shahar FVBning xabar berishicha, yong‘in-qutqaruv ekipajlari aytilgan manzilga soat 7:47 da yetib borib, soat 7:57 da xavfni bartaraf etgan.

Do‘kon egasining Kun.uz muxbiriga aytishicha, kichik yong‘in do‘kon eshigini ochishganidan keyin kattalashib ketgan.

“Yong‘inni o‘chirishga harakat qildik. Qo‘limizdan kelmadi: eshikni ochganimizda ichkariga havo kirib, yong‘in kuchayib ketdi. Do‘konning 50 foizi yongan, taxminan 5-6 mln so‘mlik tovar yondi”, deydi u.

Savdogarning so‘zlariga ko‘ra, yong‘in-qutqaruv ekipaji 10 daqiqada yetib kelgan va yong‘in taxminan 1 soatda to‘liq o‘chirilgan.

Eslatib o‘tamiz, o‘tgan yilning yozida Chorsu bozoridagi bir nechta do‘konda bundan kattaroq yong‘in yuz bergandi.