The Guardian: AQSh Eronga uran zaxirasini Rossiyaga topshirishni taklif qildi
Ushbu masala Vashington va Tehron vakillari o‘rtasida O‘monda bo‘lib o‘tgan bilvosita muzokaralar davomida ko‘rib chiqilgan.

Foto: Atomic Energy Organization of Iran
AQSh Eron bilan yadroviy bitim bo‘yicha muzokaralar doirasida Tehron o‘zining yuqori boyitilgan uranini uchinchi davlat — masalan, Rossiyaga topshirishini taklif qildi, deb yozmoqda The Guardian.
Qayd etilishicha, ushbu taklif 12 aprel kuni O‘monda bo‘lib o‘tgan bilvosita muzokaralar davomida ko‘rib chiqilgan va ehtimoliy kelishuvga erishish yo‘lidagi asosiy «xalaqit beruvchi toshlardan» biri hisoblanadi.
Ma’lumotlarga ko‘ra, Eron o‘zining uran zaxiralarini uchinchi davlatga topshirish bo‘yicha AQShning taklifiga «qarshilik ko‘rsatadi».
Rossiya prezidenti matbuot kotibi Dmitriy Peskov The Guardian’dagi ma’lumotlarga izoh bermasligini ma’lum qilgan.
Eron va AQSh delegatsiyalari 12 aprel kuni O‘mon poytaxti Masqatda bilvosita muzokaralar o‘tkazdi. Uchrashuvdan keyin Qo‘shma Shtatlar prezidenti Donald Tramp Eron bilan muzokaralar yaxshi o‘tganini bildirdi. Muzokaralarning ikkinchi raundi 19 aprel kuni bo‘lib o‘tadi.
The Wall Street Journal ma’lumotlariga ko‘ra, Eron muzokaralarda o‘zining yadroviy dasturini cheklash evaziga Amerika sanksiyalari yumshatilishini talab qilgan.
Avvalroq Eron tashqi ishlar vaziri Abbos Arag‘chi Rossiyaga safar qilib, Tehron yadro dasturi bo‘yicha AQSh bilan so‘nggi muzokaralarni muhokama qilishi to‘g‘risida xabar berilgandi.
Mavzuga oid

20:45 / 24.04.2025
“Geosiyosat” muloqoti. Ekspertlar bilan savol-javob

23:00 / 21.04.2025
Tehron, Moskva va Rimdagi muzokaralar: Eron yadro dasturi bo‘yicha bitim asoslari chizilmoqda

22:13 / 21.04.2025
Tramp: AQSh va Eron yaxshi muzokaralar o‘tkazdi

09:32 / 21.04.2025