TIV Eron va Isroildagi o‘zbekistonliklarni ogohlantirdi

Tashqi ishlar vazirligi vatandoshlarga xavfsizlik bo‘yicha tavsiyalarni berdi.

Foto: Getty Images

Yaqin Sharqda tobora keskinlashayotgan harbiy-siyosiy vaziyat munosabati bilan, O‘zbekiston Respublikasi Tashqi ishlar vazirligi Eron va Isroildagi o‘zbekistonliklarga quyidagilarni qat’iy tavsiya qildi:

- Harbiy va boshqa davlat obektlariga yaqinlashmaslik, ularni foto va video suratga olmaslik;

- Odamlar ko‘p to‘planadigan joylardan yiroqda bo‘lish;

- Mahalliy hukumat organlari tomonidan berilayotgan ko‘rsatmalarga so‘zsiz rioya qilish, zarurat tug‘ilganda maxsus boshpanalarga yoki xavfsiz joylarga yo‘l olish.

TIV zarurat tug‘ilganda O‘zbekistonning Eron va Isroildagi diplomatik vakolatxonalari bilan bog‘lanishni so‘radi.

#Eron #TIV #Isroil

Isroil 13 iyunga o‘tar kechasi Eron bo‘ylab zarba berishni boshladi. Havo hujumlari nishonlari uranni boyitish bo‘yicha korxonalar, raketa bazalari, shuningdek Islom inqilobi muhofizlari rahbariyati hamda yadro sohasidagi olimlar bo‘lmoqda.