AQSh senatorlari Ukrainaga 55 mlrd dollar ajratishni taklif qildi

31 iyul, payshanba kuni AQShning Respublikachilar va Demokratik partiyalaridan senatorlari Ukrainaga kelgusi ikki yil davomida, jumladan, muzlatilgan Rossiya aktivlari hisobidan 54,6 milliard dollar yordam ajratish to‘g‘risidagi qonun loyihasini taqdim etdi.

Tashabbusni Demokratik partiyadan Tashqi ishlar qo‘mitasida vakil bo‘lgan demokrat Jinn Sheyxin va respublikachi Liza Merkauski taklif qilgan. Rejaga ko‘ra, sarflangan barcha mablag‘larning uchdan bir qismi (18,2 milliard dollar) Rossiyaning musodara qilingan aktivlari va yevropalik sheriklarga qurol sotishdan tushgan daromadlardan tushadi. Bundan tashqari, dasturni amalga oshirish uchun AQShning Ukrainada noyob metallarni qazib olishdan oladigan mablag‘laridan foydalanish taklif qilinmoqda.

Qonun loyihasi nafaqat Ukrainaga to‘g‘ridan to‘g‘ri harbiy yordam, balki Amerika harbiy arsenallarini to‘ldirish uchun ham xarajatlarni nazarda tutadi. Bundan tashqari, mablag‘ning katta qismi ukrainaliklarga yuborilgan eski tizimlar o‘rnini bosadigan yangi qurollarni sotib olishga sarflanadi. Qonun loyihasi, shuningdek, AQSh prezidentiga Ukrainaga qurol yetkazib berishni Kongress tasdig‘isiz ma’qullash imkonini beradi.

Biroq, The New York Times ta’kidlaganidek, hozircha faqat bir necha respublikachilar qo‘shimcha mablag‘ ajratishni qo‘llab-quvvatlashga tayyor ekanini bildirgan. Ular orasida senator Mitch Makkonnel ham bor, u Trampning Rossiyaga qarshi yangi sanksiyalar va sheriklariga qarshi ikkilamchi sanksiyalarni ko‘rib chiqish rejalarini ham ma’qulladi.